Leandro Trossard ayaa sheegay inuusan waxba ka qabin booska uu ka ciyaaro laakiin wuxuu u sheegay Mikel Arteta inuu aad ugu diyaarsan yahay inuu noqdo halista ugu weyn ee goolka Arsenal.
Kadib markii uu Brighton kaga soo biiray suuqii January, Trossard ayaa saamayn weyn ku yeeshay Arsenal isaga oo dhaliyay 7 gool 12 kalena caawiye ka noqday 36 kulan oo uu ciyaaray.
Xiddiga ayaa loo keenay in uu la tartamo xiddigaha garbaha ee Martinelli iyo Saka sidoo kale xiddiga ayaa ka ciyaari kara weerarka tooska ah marar badan ayuuna ka ciyaaray.
Dhawrkii kulan ee ugu dambeeyay, Trosaard ayaa ka ciyaaray weerarka tooska ah isaga oo buuxiyay Booska Jesus iyo Nketiah waxana uu kooxdiisa u dhaliyay goolal muhiim ah.
Waxa jira muran ka taagan booskiisa ugu fiican ee ciyaarta iyo waliba in ay tahay in uu xiddigu ka horeeyo xiddigaha Jesus iyo Nketiah booska weerarka kooxda.
Trossard ayaa ku faraxsan in uu kooxda caawiyo haatan laakiin ay ujeedadiisa ugu weyn tahay in uu shabaqa soo taabto mar walba.
Mar la waydiiyay booska uu jecelyahay in uu ka ciyaaro ayuu yidhi”Taasi waa su’aal adag”.
“Waxba kama abo in aan ka ciyaaro boosaska oo dhan, weerarka tooska ah iyo garbaha xitaa khadka dhexe ee weerarka sidaas darteed jawaabtu waa taas”ayuu sii raaciyay.
