War kasoo baxay milatariga Isreal ayey ku sheegeen in si weyn looga maqlay magaalooyin kuyaalla bartamaha Isreal dhawaqa gantaalo culus oo kooxda Xamaas kusoo tuureen dhinaca dhulka Isreal maamusho.
Dad badan oo Israa’iiliyiin ah oo maqlay dhawaqyada gantaalada iyo dhawaqa digniinta bixiya ayaa si weyn u argagaxay, waxa ayna dadka ku kala carareen goobo shub ah, si ay gabaad uga dhigtaan.
“Malaayiin Israa’iiliyiin ah ayaa ka ordaya sidii ay uga gamban lahaayeen bambooyinka,” ayaa lagu yiro qoraal la soo dhigay barta X, oo horey loo oran jiray twitter isla markaana ay leeyihiin milatariga
Shacabka Isreal ayaa wali xasuusta weerarkii kooxda Xamaas ay gudaha Isreal ka geesteen 7-dii bishii hore ee October, weerarkaasi ayaa lagu dilay ku dhawada 1,500 qof oo Israa’iiliyin ah ,halka lagu afduuibtay in ka badan 200-qof oo kale.
