Wasaaradda deegaanka iyo isbeddelka cimilada ee Dowladda federaalka Soomaaliya ayaa soo saartay bayaan ay ku xaqiijinayaan khatar ka dhalan karta duufaano ka dhaca Soomaaliya oo ka dhasha roobabka da’aya, kuwaas oo sababi kara khasaare naf iyo maalba leh.
Duufaanta El Niño ayaa khatar ku ah magaalooyinka xeebaha Soomaaliya ee gobolada waqooyi ilaa koonfurta, sida: Boosaaso, Berbera iyo Kismaayo.
El Niño waxay saamaysaa heerkulka badda iyo xoogga qulqulka biyaha. iyada oo u dhacda si aan joogto ahayn ama labadii ilaa todobadii sanoba mar.
Toddobaadyadii la soo dhaafay, dalalka Afrika waxay la kulmeen dhibaatooyin ka dhashay dhacdooyin dabiici ah oo ba’an oo galaaftay nolosha kumannaan qof oo ku nool Morocco, Libya iyo Masar.
Soomaaliya ayaa u diyaarsaneyn xiligan dhibaatooyin ka dhasha duufaano iyadoo ay la daalaceysa xiigan abaaro iyo dagaalka aragagixsada.
Waxaa jirta in wadamo waaweyn iney saameyn ku yeesheen masiibooyin dabiici ah oo ay ugu horeeyaan fatahaadaha iyo sidoo kale duufaanada.
Waxaa sidoo kake fashilan hay’ad isku magacowday hay’adda Maareynta iyo Masiibooyinka oo dalka aan u diyaarinin inuu qaabilo duufaanada nuucaan oo kale ah islamarkaana lacag iska aruursadaan madaxdooda.
Soomaaliya ayaa xiligan ku howlan la dagaalanka kooxdaah ee Al shabaab kuwaa oo dhibaato xoog leh ku haya umadda Soomaaliyeed.
