Dawladda Federaalka Soomaaliya ayaa cambaareeyay weerarkii maamulka Israel uu xalay la beegsaday isbitaalka Al-Ahly ee magaalada Gaza, kaas oo galaaftay nolasha boqollaal Falastiiniyiin ah oo horrey ay Yuhuudu u dhaawacday.
Waa markii ugu horreysay ee DF Soomaaliya ka hadasho xasuuqa Israel ka wado Gaza iyo beegsiga shacabka Falastiiniyiinta.
Bayaan kasoo baxay Wasaaradda Arrimaha Dibadda DFS ayaa lagu sheegay in Soomaaliya ay ka xun tahay beegsiga isbitaalka, waxaana ay ugu baaqday Israel ixtiraamka sharciga caalamiga iyo in si shuruud ah loo joojiyo xasuuqa Gaza.
“waxaan ugu baaqeynaa Israa’iil in ay ixtiraamto Sharciga Caalamiga iyo xabbad joojin deg deg ah oo shuruud la,aan ah” ayuu lagu yiri war-saxaafadeed kasoo baxay Wasaaradda Arrimaha Dibadda DFS.
