Halyeeyga Arsenal ee Paul Merson ayaa sheegay in uu yaabi doono hadii ay hogaamiyayaasha horyaalka premier League ee Tottenham garaaci doonto kooxda dhibaatoonaysa ee chelsea.
Kooxaha Tottenham iyo chelsea ayaa isaga hor iman doona kulan premier League ah maalinta isniinta kulan ka dhici doona garoonka Tottenham Hotspur Stadium.
Tottenham ayaa ku jirta qaab ciyaareed cajiib ah iyaga oo hogaaminaya horyaalka isla markaasna aan wali wax guuldaro ah la kulmin ilaa haatan.
Chelsea ayaa dhinaca kale si weyn u dhibaatoonaysa xilli ciyaareedkan iyaga oo kaliya badiyay 3 kulan 10 kulan oo ay ciyaareen horyaalka.
Kooxda Pochettino ayaa ku jirta kaalinta 11-aad ee kala saraynta premier League hadana Merson ayaan aamunsanayn in ay Tottenham ka badin doonto chelsea Isniinta.
“Chelsea waxa ay jeceshahay in ay la ciyaarto kooxda weerarta marka la eego kooxaha daafaca u gala”ayuu Merson yidhi.
“Chelsea way ku dhibaatootaa kooxaha difaaca u gala, waxa aan ku kalsoonahay in ay chelsea si fiican ula ciyaari doonto chelsea”.
“Waan yaabi doonaa hadii ay Tottenham ka badiso chelsea”ayuu sii raaciyay.
